Əmək məzuniyyətinin minimum müddətinin kompensasiya ilə əvəz olunması qadağan edilir

Əmək məzuniyyətinin minimum müddətinin (21 təqvim günü) kompensasiya ilə əvəz olunması qadağan edilir.

APA-nın məlumatına görə, bu tələb Əmək Məcəlləsinə irəli sürülən dəyişikliklər paketində öz əksini tapıb.

Əmək Məcəlləsinin 144-cü maddəsinin 2-ci hissəsində nəzərdə tutulan istisna (xitam zamanı kompensasiyanın ödənilməsi) haldan başqa, əmək məzuniyyətinin Məcəllənin 114-cü maddəsinin 2-ci hissəsi ilə müəyyən edilən minimum müddətinin (21 təqvim günü) kompensasiya ilə əvəzinin ödənilməsi qadağan edilməsi təklif olunur. Eyni zamanda, bu layihədə əmək məzuniyyətinin və ya onun bir hissəsinin başqa vaxta keçirilməsi anlayışına aydınlıq gətirilir; bu hallar geniş və dəqiq şəkildə təsbit olunur.

Layihə çərçivəsində sözügedən hüquqla bağlı digər sahəvi qanunlarda da müvafiq uyğunlaşdırma işləri aparılacaq.